Unha vez rematado o período correspondente á 1ª adxudicación nos ciclos formativos de formación profesional, comuinicamos que hai prazas liberadas no que temos no noso centro. Deixámosvos aquí información sobre o mesmo por se tedes interese en matrícularvos nel.
No noso centro contamos co Ciclo Medio en Xestión Administrativa. Este é un ciclo de 2.000 horas, que se reparten en dous cursos escolares. O primeiro curso e os dous primeiros trimestres do segundo curso son de clases presenciais, e o último trimestre do segundo curso adícase a prácticas en centros de traballo en empresas da nosa comarca ou en organismos oficiais como concellos.
No vindeiro curso 2025-2026 xa estará en vigor nos dous cursos a nova normativa de Formación Profesional e todos os ciclos pasarán a ser de carácter dual, aumentando as horas de prácticas en 2º.
As materias que se impartirán neste ciclo son as seguintes:
1º curso:
– Operacións administrativas da compravenda
– Tratamento informático da información
– Técnica contable
– Operacións auxiliares de xestión de tesouraría
– Inglés Profesional
– Itinerario persoal para a empregabilidade I
– Sostibilidade aplicada ao sistema produtivo
– Afondamento nas competencias profesionais
– Habilidades comunicativas en lingua estranxeira
Estas dúas últimas materias quedan asociadas á materia de Inglés Profesional.
2º Curso:
– Comunicación empresarial e atención á clientela
– Empresa e administración
– Operacións administrativas de Recursos Humanos
– Itinerario persoal para a empregabilidade II
– Tratamento da documentación contable
– Empresa na aula
– Proxecto Intermodular
No último trimestre do curso, o alumnado que teña superado un 50% do horario do curso realizará 500 horas de prácticas en centros de traballo.
Os requisitos para poder acceder a este ciclo formativo son estar en posesión do título en ESO ou titulacións equivalentes, posuír título de formación profesional básica, ter os módulos obrigatorios dos PCPI do curso 2011-2012 ou seguintes, ter a certificación de superación das probas de acceso a ciclos ou outras vías de acceso a ciclos de grao medio.
Deixamos aquí máis información de interese sobre os ciclos formativos e os procesos de admisión:
Enlace á páxina web da Consellería de Educación con información xeral do proceso de admisón.
Documento con instrucións sobre o proceso de admisión aos ciclos formativos
